John 4
ព្រះយេស៊ូ និងស្ដ្រីជនជាតិសាម៉ារី
1ដូច្នេះនៅពេលព្រះយេស៊ូដឹងថាពួកអ្នកខាងគណៈផារិស៊ីបានឮថាព្រះអង្គបង្កើតសិស្សហើយធ្វើពិធីជ្រមុជទឹកច្រើនជាងលោកយ៉ូហាន 2(ទោះបីព្រះយេស៊ូមិនបានធ្វើពិធីជ្រមុជទឹកដោយផ្ទាល់ហើយពួកសិស្សរបស់ព្រះអង្គធ្វើក៏ដោយ) 3នោះព្រះអង្គក៏យាងចេញពីស្រុកយូដាត្រលប់ទៅស្រុកកាលីឡេវិញ 4ហើយព្រះអង្គត្រូវយាងកាត់ស្រុកសាម៉ារី។ 5ព្រះអង្គក៏យាងមកដល់ក្រុងមួយក្នុងស្រុកសាម៉ារីឈ្មោះស៊ូខារនៅជិតដីដែលលោកយ៉ាកុបបានឲ្យទៅលោកយ៉ូសែបជាកូនរបស់គាត់ 6ហើយនៅទីនោះមានអណ្ដូងទឹកមួយរបស់លោកយ៉ាកុប។ កាលព្រះយេស៊ូអស់កម្លាំងក្នុងការធ្វើដំណើរនោះព្រះអង្គក៏អង្គុយនៅក្បែរមាត់អណ្ដូងនៅពេលនោះម៉ោងប្រហែលដប់ពីរថ្ងៃត្រង់ហើយ។ 7មានស្ត្រីម្នាក់មកពីស្រុកសាម៉ារីបានមកដងទឹកព្រះយេស៊ូមានបន្ទូលទៅនាងថា៖ «ខ្ញុំសុំទឹកផឹកផង»។ 8រីឯពួកសិស្សរបស់ព្រះអង្គបានចេញទៅក្នុងក្រុងអស់ហើយដើម្បីទិញអាហារ។ 9ស្ត្រីជនជាតិសាម៉ារីនោះបានទូលទៅព្រះអង្គថា៖ «លោកជាជនជាតិយូដាម្ដេចក៏លោកសុំទឹកពីខ្ញុំដែលជាស្ត្រីជនជាតិសាម៉ារីដូច្នេះ?» (ដ្បិតជនជាតិយូដាមិនរាប់អានជនជាតិសាម៉ារីទេ) 10ព្រះយេស៊ូមានបន្ទូលឆ្លើយទៅនាងថា៖ «បើអ្នកបានស្គាល់អំណោយទានរបស់ព្រះជាម្ចាស់ទាំងដឹងថាអ្នកដែលនិយាយទៅអ្នកថាខ្ញុំសុំទឹកផឹកផងជាអ្នកណាអ្នកមុខជាសុំទឹកពីគាត់វិញហើយគាត់នឹងឲ្យទឹកដែលផ្ដល់ជីវិតដល់អ្នក» 11ស្ត្រីនោះទូលទៅព្រះអង្គថា៖ «លោកម្ចាស់អើយ! លោកគ្មានអ្វីសម្រាប់ដងទឹកទេហើយអណ្ដូងក៏ជ្រៅដូច្នេះតើលោកបានទឹកដែលផ្ដលជីវិតនោះពីណាមក? 12លោកយ៉ាកុបបានឲ្យអណ្ដូងនេះមកយើងហើយលោកផ្ទាល់និងកូនចៅព្រមទាំងហ្វូងសត្វរបស់លោកក៏បានផឹកពីអណ្ដូងនេះដែរចុះលោកវិញតើធំជាងលោកយ៉ាកុបជាដូនតារបស់យើងឬ?» 13ព្រះយេស៊ូមានបន្ទូលឆ្លើយទៅនាងថា៖ «អស់អ្នកដែលផឹកទឹកនេះគេនឹងស្រេកទៀត 14ប៉ុន្តែអស់អ្នកផឹកទឹកដែលខ្ញុំឲ្យគេនឹងមិនស្រេកទៀតឡើយហើយទឹកដែលខ្ញុំឲ្យនោះនឹងត្រលប់ជាប្រភពទឹកនៅក្នុងអ្នកនោះដែលផុសឡើងផ្ដល់ជីវិតអស់កល្បជានិច្ច» 15ស្ត្រីនោះទូលទៅព្រះអង្គថា៖ «លោកម្ចាស់អើយ! សូមឲ្យទឹកនោះដល់ខ្ញុំផងដើម្បីកុំឲ្យខ្ញុំស្រេកឬមកដងនៅទីនេះទៀត»។ 16ព្រះអង្គមានបន្ទូលទៅនាងថា៖ «ចូរទៅហៅប្ដីរបស់អ្នកមកទីនេះ» 17ស្ត្រីនោះទូលទៅព្រះអង្គវិញថា៖ «ខ្ញុំគ្មានប្ដីទេ»។ ព្រះយេស៊ូមានបន្ទូលថា៖ «អ្នកនិយាយថាគ្មានប្ដីនោះត្រូវហើយ 18ដ្បិតអ្នកមានប្ដីប្រាំនាក់មកហើយរីឯបុរសដែលនៅជាមួយអ្នកសព្វថ្ងៃនេះមិនមែនជាប្ដីរបស់អ្នកទេដូច្នេះពាក្យដែលអ្នកនិយាយនេះពិតប្រាកដហើយ» 19ស្ត្រីនោះទូលទៅព្រះអង្គថា៖ «លោកម្ចាស់អើយ! ខ្ញុំយល់ថាលោកជាអ្នកនាំព្រះបន្ទូល 20ពួកដូនតារបស់យើងបានថ្វាយបង្គំនៅលើភ្នំនេះប៉ុន្តែពួកជនជាតិរបស់លោកនិយាយថាត្រូវថ្វាយបង្គំនៅក្រុងយេរូសាឡិមវិញ»។ 21ព្រះយេស៊ូមានបន្ទូលទៅនាងថា៖ «នាងអើយ! ចូរជឿខ្ញុំចុះថានឹងមានពេលមួយមកដល់ដែលអ្នករាល់គ្នានឹងមិនថ្វាយបង្គំព្រះវរបិតានៅលើភ្នំនេះឬនៅក្រុងយេរូសាឡិមទៀតឡើយ 22ពួកជនជាតិរបស់អ្នកមិនស្គាល់អ្វីដែលពួកអ្នកកំពុងថ្វាយបង្គំទេប៉ុន្តែយើងស្គាល់អ្វីដែលយើងកំពុងថ្វាយបង្គំដ្បិតសេចក្ដីសង្គ្រោះកើតពីជនជាតិយូដាមក 23ប៉ុន្តែមានពេលមួយនឹងមកដល់គឺពេលនេះហើយដែលពួកអ្នកថ្វាយបង្គំពិតប្រាកដគេនឹងថ្វាយបង្គំព្រះវរបិតាដោយវិញ្ញាណនិងសេចក្ដីពិតដ្បិតព្រះវរបិតាស្វែងរកពួកអ្នកដែលថ្វាយបង្គំព្រះអង្គបែបនេះ។ 24ព្រះជាម្ចាស់ជាវិញ្ញាណដូច្នេះអស់អ្នកដែលថ្វាយបង្គំព្រះអង្គត្រូវថ្វាយបង្គំដោយវិញ្ញាណនិងសេចក្ដីពិត»។ 25ស្ត្រីនោះទូលព្រះអង្គថា៖ «ខ្ញុំបានដឹងថាព្រះមែស៊ីដែលហៅថាព្រះគ្រិស្ដនឹងយាងមកហើយនៅពេលព្រះអង្គយាងមកនោះព្រះអង្គនឹងប្រាប់យើងឲ្យដឹងទាំងអស់»។ 26ព្រះយេស៊ូមានបន្ទូលទៅនាងថា៖ «គឺខ្ញុំដែលកំពុងប្រាប់អ្នកនេះហើយ»។ 27ពេលនោះពួកសិស្សរបស់ព្រះអង្គបានមកដល់គេងឿងឆ្ងល់ចំពោះព្រះអង្គដែលកំពុងមានបន្ទូលជាមួយស្ត្រីដូច្នេះប៉ុន្តែគ្មានអ្នកណាម្នាក់ទូលទៅព្រះអង្គថាព្រះអង្គរកអ្វីឬហេតុអ្វីបានជាព្រះអង្គមានបន្ទូលជាមួយនាងទេ។ 28រីឯស្ត្រីនោះក៏ទុកក្អមទឹកចោលរួចចូលទៅក្នុងក្រុងប្រាប់មនុស្សទាំងឡាយថា៖ 29«ចូរមកមើលបុរសម្នាក់ដែលប្រាប់ខ្ញុំពីការទាំងអស់ដែលខ្ញុំបានប្រព្រឹត្តិតើគាត់ជាព្រះគ្រិស្ដទេដឹង?» 30ពួកគេក៏ចេញពីក្រុងទៅរកព្រះអង្គ។វាលស្រែមហាចម្រូត
31នៅពេលជាមួយគ្នានោះពួកសិស្សទូលទៅព្រះអង្គថា៖ «លោកគ្រូសូមអញ្ជើញបរិភោគអាហារ» 32ប៉ុន្តែព្រះអង្គមានបន្ទូលទៅពួកគេថា៖ «ខ្ញុំមានអាហារសម្រាប់បរិភោគហើយជាអាហារដែលអ្នករាល់គ្នាមិនស្គាល់»។ 33ដូច្នេះពួកសិស្សក៏និយាយគ្នាថា៖ «មានអ្នកណាយកអ្វីមកជូនលោកបរិភោគទេដឹង?» 34ព្រះយេស៊ូមានបន្ទូលទៅពួកគេថា៖ «អាហាររបស់ខ្ញុំគឺការធ្វើតាមបំណងរបស់ព្រះជាម្ចាស់ដែលបានចាត់ខ្ញុំឲ្យមកហើយធ្វើឲ្យកិច្ចការរបស់ព្រះអង្គសម្រេច 35តើអ្នករាល់គ្នាមិននិយាយទេឬថានៅបួនខែទៀតដល់រដូវចម្រូតហើយ? មើល៍ខ្ញុំប្រាប់អ្នករាល់គ្នាថាចូរសម្លឹងមើលទៅវាលស្រែដែលទុំល្មមច្រូតហើយ 36អស់អ្នកដែលច្រូតនោះទទួលបានថ្លៃឈ្នូលហើយប្រមូលបានផលសម្រាប់ជីវិតអស់កល្បជានិច្ចដូច្នេះហើយទាំងពួកអ្នកព្រោះនិងពួកអ្នកច្រូតអាចអរសប្បាយជាមួយគ្នា។ 37ដូច្នេះសេចក្ដីដែលថាម្នាក់ព្រោះហើយម្នាក់ទៀតច្រូតពាក្យនេះពិតណាស់ 38ខ្ញុំបានចាត់អ្នករាល់គ្នាឲ្យទៅច្រូតចម្រូតដែលអ្នករាល់គ្នាមិនបានបញ្ចេញកម្លាំងសោះគឺមានអ្នកផ្សេងទៀតបានបញ្ចេញកម្លាំងហើយអ្នករាល់គ្នាបានចូលរួមនៅក្នុងការងាររបស់ពួកគេ»។ជនជាតិសាម៉ារីជាច្រើនជឿព្រះយេស៊ូ
39មានជនជាតិសាម៉ារីជាច្រើននៅក្រុងនោះបានជឿព្រះយេស៊ូដោយសារតែសំដីដែលស្ត្រីនោះធ្វើបន្ទាល់ថាលោកបានប្រាប់ខ្ញុំពីការទាំងអស់ដែលខ្ញុំបានប្រព្រឹត្ត 40ដូច្នេះហើយពេលពួកជនជាតិសាម៉ារីមកជួបព្រះអង្គនោះពួកគេទូលសុំឲ្យព្រះអង្គស្នាក់នៅជាមួយពួកគេហើយព្រះអង្គក៏ស្នាក់នៅទីនោះពីរថ្ងៃ។ 41មានមនុស្សជាច្រើនទៀតបានជឿដោយសារព្រះបន្ទូលរបស់ព្រះអង្គ 42ហើយពួកគេនិយាយទៅស្ត្រីនោះថា៖ «ឥឡូវនេះយើងជឿមិនមែនដោយសារតែសំដីរបស់នាងទៀតទេគឺដោយសារយើងបានឮផ្ទាល់ហើយដឹងថាព្រះអង្គជាព្រះអង្គសង្គ្រោះមនុស្សលោកពិតមែន»។អ្នកស្រុកកាលីឡេស្វាគមន៍ព្រះយេស៊ូ
43ពីរថ្ងៃក្រោយមកព្រះអង្គបានយាងចេញពីទីនោះទៅស្រុកកាលីឡេ 44ដ្បិតព្រះយេស៊ូផ្ទាល់បានធ្វើបន្ទាល់ថា៖ «អ្នកនាំព្រះបន្ទូលមិនបានទទួលការគោរពនៅក្នុងស្រុករបស់ខ្លួនទេ»។ 45ពេលព្រះអង្គយាងមកដល់ស្រុកកាលីឡេនោះពួកអ្នកស្រុកកាលីឡេបានទទួលព្រះអង្គព្រោះពួកគេបានឃើញការទាំងអស់ដែលព្រះអង្គបានធ្វើនៅក្រុងយេរូសាឡិមក្នុងពិធីបុណ្យដ្បិតពួកគេបានទៅក្នុងពិធីបុណ្យនោះដែរ។ព្រះយេស៊ូប្រោសកូនប្រុសមន្ដ្រីម្នាក់
46ក្រោយមកព្រះយេស៊ូបានយាងមកដល់ភូមិកាណាក្នុងស្រុកកាលីឡេម្ដងទៀតជាភូមិដែលព្រះអង្គបានធ្វើទឹកឲ្យត្រលប់ជាស្រាទំពាំងបាយជូរហើយនៅទីនោះមានមន្ត្រីម្នាក់មានកូនប្រុសឈឺនៅឯក្រុងកាពើណិម 47ពេលគាត់ឮថាព្រះយេស៊ូកំពុងយាងពីស្រុកយូដាមកស្រុកកាលីឡេនោះគាត់ក៏ចេញទៅជួបព្រះអង្គហើយអង្វរសុំឲ្យព្រះអង្គយាងទៅប្រោសកូនប្រុសរបស់គាត់ដ្បិតកូននោះជិតស្លាប់ហើយ។ 48ព្រះយេស៊ូក៏មានបន្ទូលទៅគាត់ថា៖ «បើអ្នករាល់គ្នាមិនឃើញទីសំគាល់និងការអស្ចារ្យទេនោះអ្នករាល់គ្នាមុខជាមិនជឿឡើយ» 49មន្ត្រីនោះទូលព្រះអង្គថា៖ «លោកម្ចាស់អើយ! សូមអញ្ជើញទៅមុនពេលកូនរបស់ខ្ញុំស្លាប់» 50ព្រះយេស៊ូមានបន្ទូលទៅគាត់ថា៖ «ទៅចុះកូនរបស់អ្នកនៅរស់ទេ» មន្ត្រីនោះក៏ជឿសេចក្ដីដែលព្រះយេស៊ូបានមានបន្ទូលហើយគាត់ក៏ចេញទៅ។ 51កាលគាត់កំពុងធ្វើដំណើរទៅនោះពួកបាវបម្រើរបស់គាត់ក៏មកជួបគាត់ប្រាប់ថាកូនរបស់លោកនៅរស់ទេ 52ដូច្នេះគាត់ក៏សួរពួកគេពីពេលវេលាដែលកូនរបស់គាត់បានធូរស្បើយពួកគេក៏ប្រាប់ថា៖ «ជំងឺគ្រុនបានបាត់នៅម៉ោងមួយរសៀលម្សិលមិញ» 53នោះឪពុកបានដឹងថាគឺនៅពេលនោះឯងដែលព្រះយេស៊ូមានបន្ទូលមកគាត់ថាកូនប្រុសរបស់អ្នកនៅរស់ទេដូច្នេះហើយគាត់និងគ្រួសារទាំងមូលរបស់គាត់ក៏ជឿព្រះអង្គ។ 54នេះជាទីសំគាល់អស្ចារ្យទីពីរដែលព្រះយេស៊ូបានធ្វើនៅពេលព្រះអង្គវិលត្រលប់ពីស្រុកយូដាមកស្រុកកាលីឡេវិញ។
Copyright information for
KhmKCB